Bio
Hljómsveitin Brek var stofnuð árið 2018. Sveitin leikur aðallega frumsamda, alþýðu skotna tónlist með áhrifum úr ýmsum áttum, m.a. þjóðlagatónlist, jazz og popp en meðlimir sveitarinnar leggja mikla áherslu á að skapa áhugaverða stemningu í hljóðfæraleik sínum. Auk þess er lögð áhersla á fjölskrúðuga notkun íslenskrar tungu í textagerð.
Hljómsveitina skipa Harpa Þorvaldsdóttir söngkona og píanóleikari, Jóhann Ingi Benediktsson gítarleikari og söngvari, Guðmundur Atli Pétursson mandólínleikari og Sigmar Þór Matthíasson bassaleikari.
Hljómsveitin var tilnefnd til Íslensku tónlistarverðlaunanna í flokki þjóðlagatónlistar tvö ár í röð og hlaut Íslensku tónlistarverðlaunin fyrir plötu ársins í þjóðlaga- og heimstónlist árið 2022 fyrir sína fyrstu plötu sem er samnefnd sveitinni, ásamt því að platan var Plata vikunnar á Rás 2.
Á árinu 2023 spilaði Brek official showcase á hátíðunum Folk Alliance International í Kansas City í febrúar og á Nordic Folk Alliance í Hróarskeldu í Danmörku í apríl.
Sveitin er einnig dugleg að leika á tónleikum innanlands og stefnir á frekara tónleikahald bæði innanlands og erlendis á næstunni.
